14 қыркүйек күні Офисте вебинар өткізілді

Бүгін "Ғылыми мақалаларды жазу және редакциялау: докторанттарға, зерттеушілерге және ғылыми жетекшілерге арналған ұсыныстар" тақырыбында вебинар өткізілді! 
Вебинар спикері – А. Ю. Гаспарян (PhD, қауым. профессор, Бирмингем университетінің оқу қорының ғылыми қызметкері, Ұлыбритания, Оңтүстік Қазақстан медицина академиясының құрметті профессоры).
Вебинарға еліміздің түрлі ұйымдарынан 50 адам қатысты. Олардың қатарында Оңтүстік Қазақстан медицина академиясының, №1 Қалалық клиникалық аурухананың, Астана Медицина Университетінің, "Қоғамдық денсаулық сақтаудың жоғары мектебі" Қазақстан медицина университетінің, Семей медицина университетінің, Қазақ ұлттық медицина университетінің өкілдері болды. 
Вебинар бағдарламасы келесі тақырыптардан тұрды:
1. Medline/PubMed, Scopus, Web of Science және DOAJ әдебиеттерін жан-жақты және жүйелі іздеу принциптері; 
2. Онлайн-сауалнамалар жүргізу және олар бойынша есептер жасау;  
3. Ғылыми зерттеулер үшін әлеуметтік медиа көрсеткіштерін пайдалану;
4. Ғылыми мақалаларға шолу жасаудың негізгі принциптері;
5. Плагиатты анықтау және алдын алу;
6. Этикалық және дұрыс жазылған ғылыми мақалалардың мысалдарын талдау.
Вебинар барысында өзекті әдебиеттерді іздеу мәселелері, плагиат мәселелері, рецензиялау процесінің ерекшеліктері талқыланды. 
Вебинар аяқталғаннан кейін әрбір қатысушы өткізілген вебинардың жазбасын, сондай-ақ қатысушы сертификатын алды.